MAGNA Lögmenn veita alhliða ráðgjöf og lögmannsþjónustu. Hjá okkur starfar hópur sérfræðinga sem hefur reynslu og þekkingu á breiðu sviði lögfræðinnar.
Við leggjum áherslu og metnað okkar í að veita áreiðanlega, faglega og hraða þjónustu í þína þágu.
Hæstiréttur hafnaði kröfu nokkurra landeigenda um að ógilda ákvörðun ráðherra frá 21. júní 2024 um heimild Landsnets til eignarnáms réttinda vegna lagningar Suðurnesjalínu 2 í Sveitarfélaginu Vogum og einnig kröfu þeirra um að framkvæmdaleyfi sem bæjarstjórn Sveitarfélagsins Voga veitti Landsneti hinn 30. júní 2023 yrði fellt úr gildi. Málið á sér langa sögu sem nær allt til ársins 2009 og hafa lögmenn MAGNA óslitið síðan þá unnið að framgangi mála tengdum Suðurnesjalínu 2 fyrir hönd Landsnets. Hæstaréttardómar tengdir Suðurnesjalínu 2, bæði þeir sem féllu fyrir 10 árum og þeir sem kveðnir voru upp í gær, hafa fordæmisgildi við undirbúning framkvæmda. Samanburður á þeim sýnir skýrt að Landsnet hefur með vönduðum vinnubrögðum og góðum rökum sýnt fram á mikilvægi Suðurnesjalínu 2, sem er hluti af flutningskerfi raforku og einn veigamesti þáttur í innviðum okkar samfélags. Dómar Hæstaréttar sem féllu í gær eru fordæmisgefandi fyrir þær framkvæmdir sem unnið er að og áætlaðar eru á næstu árum, hvort sem litið er til uppbyggingu flutningskerfisins eða annarra mikilvægra innviða. Veitir þetta fordæmi von um að dómsmálum af því tagi sem vörðuðu Suðurnesjalínu 2 fækki og um leið að framkvæmdatími styttist. Það er mjög mikilvægt fyrir íslenskt þjóðfélag að undirbúningstími mikilvægra framkvæmda sé hæfilegur og sé ekki talinn í áratugum. Sjá umfjöllun á mbl.is
Gunnar Ingi Jóhannsson, lögmaður Aðalsteins Kjartanssonar blaðamanns, segir til skoðunar að fara með meiðyrðamál fyrir Mannréttindadómstól Evrópu.
Páll Vilhjálmsson bloggari var sýknaður í málinu.
Nánari umfjöllun um málið á Heimildin.is
Samhentir Kassagerð hf., stærsta umbúðaþjónustufyrirtæki landsins, hefur náð samkomulagi um kaup á Plastco ehf. Samrunatilkynningu þess efnis hefur verið skilað inn til Samkeppniseftirlitsins.
„Kaupin á Plastco eru mikilvægt skref í áframhaldandi uppbyggingu Samhentra og styrkja þau enn frekar stöðu félagsins á markaði og styðja við vaxtaráform félagsins á komandi árum,“ segir í tilkynningu Samhentra.
Eldjárn Capital og MAGNA lögmenn voru ráðgjafar kaupenda í viðskiptunum, en LOGOS lögmannsþjónusta annaðist ráðgjöf við seljendur.
Sjá umfjöllun í Viðskiptablaðinu.
Morgunverðarfundur Auðnast og MAGNA var haldinn á Nauthóli 6. mars sl. Á fundinum var rætt um mikilvægu málin og var yfirskrift fundarins: ,,Hvernig tryggjum við góð samskipti á vinnustað?“
Unnur Ásta Bergsteinsdóttir, lögmaður hjá MAGNA lögmönnum, var ein af fimm fyrirlesurum á fundinum, en hún fjallaði um EKKO og samskiptamál út frá lögfræðinni. Auk hennar fluttu sérfræðingar Auðnast í vinnuvernd mjög áhugaverð erindi og einnig voru innlegg frá stjórnendum Marel og Reykjavíkurborgar, en þau deildu mikilvægri reynslu sinni sem stjórnendur á sínum vinnustöðum, með fundargestum.
Fullt var út úr húsi á fundinum og er það til marks um að samskiptamál og vinnuvernd séu málefni sem stjórnendur láta sig sífellt meira varða.
Fagleg ábyrgð fasteignasala þar sem fjallað verður um störf og starfshætti fasteignasala við milligöngu um kaup og sölu fasteigna, sbr. lög nr. 70/2015. Sérstaklega verða skoðaðar starfsskyldur fasteignasala á grundvelli II. kafla laganna og þau úrræði sem unnt er að leita ef spurningar vakna um hvort brotið hafi verið gegn þeim faglegu skyldum sem á fasteignasölum hvíla. Litið verður til nýlegra fordæma á sviði stjórnsýsluréttar og nýlegra dóma á þessu sviði. Kennari er Sandra Mjöll Markúsdóttir lögmaður hjá MAGNA en hún er jafnframt starfsmaður eftirlitsnefndar fasteignasala.
